ਵ੍ਹਾਈਟ ਹਾਊਸ ‘ਚ PM ਮੋਦੀ ਤੇ ਜੋ ਬਿਡੇਨ ਦੀ ਮੁਲਾਕਾਤ, ਦੋਵਾਂ ਨੇ ਇਕ-ਦੂਜੇ ਨੂੰ ਦਿੱਤੇ ਖਾਸ ਤੋਹਫੇ..

ਵਾਸ਼ਿੰਗਟਨ-  ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਮਰੀਕਾ ਦੇ ਤਿੰਨ ਦਿਨਾਂ ਦੌਰੇ ‘ਤੇ ਹਨ। ਇਸ ਰਾਜ ਫੇਰੀ ਦੇ ਦੂਜੇ ਦਿਨ ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਿਡੇਨ ਅਤੇ ਉਨ੍ਹਾਂ ਦੀ ਪਤਨੀ ਫਸਟ ਲੇਡੀ ਜਿਲ ਬਿਡੇਨ ਨੇ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਵ੍ਹਾਈਟ ਹਾਊਸ ਵਿਖੇ ਰਾਜਕੀ ਰਾਤ ਦੇ ਖਾਣੇ ਦੀ ਮੇਜ਼ਬਾਨੀ ਕੀਤੀ। ਇਸ ਮੁਲਾਕਾਤ ਦੌਰਾਨ ਰਾਸ਼ਟਰਪਤੀ ਜੋਅ ਅਤੇ ਉਨ੍ਹਾਂ ਦੀ ਪਤਨੀ ਬਿਲ ਨੇ ਪੀਐਮ ਮੋਦੀ ਨੂੰ ਤੋਹਫ਼ੇ ਦਿੱਤੇ, ਉਥੇ ਹੀ ਭਾਰਤੀ ਪ੍ਰਧਾਨ ਮੰਤਰੀ ਨੇ ਵੀ ਦੋਵਾਂ ਨੂੰ ਤੋਹਫ਼ੇ ਸੌਂਪੇ। ਆਓ ਜਾਣਦੇ ਹਾਂ ਪੀਐਮ ਮੋਦੀ ਦੇ ਅਮਰੀਕਾ ਦੌਰੇ ਅਤੇ ਵ੍ਹਾਈਟ ਹਾਊਸ ਵਿੱਚ ਸਟੇਟ ਡਿਨਰ ਬਾਰੇ 10 ਵੱਡੀਆਂ ਗੱਲਾਂ…

ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਅਤੇ ਫਸਟ ਲੇਡੀ ਜਿਲ ਬਿਡੇਨ ਨੇ ਅਧਿਕਾਰਤ ਤੋਹਫ਼ੇ ਦੇ ਹਿੱਸੇ ਵਜੋਂ ਪ੍ਰਧਾਨ ਮੰਤਰੀ ਮੋਦੀ ਨੂੰ 20ਵੀਂ ਸਦੀ ਦੀ ਸ਼ੁਰੂਆਤ ਤੋਂ ਇੱਕ ਹੱਥ ਨਾਲ ਬਣੀ ਅਤੇ ਪੁਰਾਤਨ ਅਮਰੀਕੀ ਕਿਤਾਬ ਗੈਲੀ ਭੇਂਟ ਕੀਤੀ। ਰਾਸ਼ਟਰਪਤੀ ਬਿਡੇਨ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਇੱਕ ਵਿੰਟੇਜ ਅਮਰੀਕਨ ਕੈਮਰਾ, ਜਾਰਜ ਈਸਟਮੈਨ ਦੇ ਪਹਿਲੇ ਕੋਡਕ ਕੈਮਰਾ ਪੇਟੈਂਟ ਦੀ ਇੱਕ ਪੁਰਾਲੇਖ ਪ੍ਰਤੀਕ੍ਰਿਤੀ ਪ੍ਰਿੰਟ ਅਤੇ ਅਮਰੀਕੀ ਜੰਗਲੀ ਜੀਵ ਫੋਟੋਗ੍ਰਾਫੀ ‘ਤੇ ਇੱਕ ਹਾਰਡਕਵਰ ਕਿਤਾਬ ਵੀ ਤੋਹਫ਼ੇ ਵਿੱਚ ਦਿੱਤੀ। ਜਿਲ ਬਿਡੇਨ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ‘ਕਲੈਕਟਡ ਪੋਇਮਜ਼ ਆਫ਼ ਰਾਬਰਟ ਫਰੌਸਟ: ਦਿ ਵ੍ਹਾਈਟ ਹਾਊਸ’ ਦੀ ਦਸਤਖਤ ਕੀਤੀ ਅਤੇ ਪਹਿਲੇ ਐਡੀਸ਼ਨ ਦੀ ਕਾਪੀ ਤੋਹਫ਼ੇ ਵਜੋਂ ਦਿੱਤੀ।

ਪੀਐਮ ਮੋਦੀ ਨੇ ਅਮਰੀਕਾ ਦੀ ਪਹਿਲੀ ਮਹਿਲਾ ਜਿਲ ਬਿਡੇਨ ਨੂੰ 7.5 ਕੈਰੇਟ ਦਾ ਲੈਬ ਵਿੱਚ ਵਿਕਸਤ ਗਰੀਨ ਡਾਇਮੰਡ ਤੋਹਫ਼ਾ ਵਜੋਂ ਦਿੱਤਾ। ਇਹ ਹੀਰਾ ਧਰਤੀ ਤੋਂ ਖੁਦਾਈ ਕੀਤੇ ਗਏ ਹੀਰਿਆਂ ਦੇ ਰਸਾਇਣਕ ਅਤੇ ਆਪਟੀਕਲ ਗੁਣਾਂ ਨੂੰ ਪ੍ਰਦਰਸ਼ਿਤ ਕਰਦਾ ਹੈ ਅਤੇ ਇਹ ਵਾਤਾਵਰਣ-ਅਨੁਕੂਲ ਵੀ ਹੈ। ਕਿਉਂਕਿ ਇਸ ਦੇ ਨਿਰਮਾਣ ਵਿੱਚ ਸੂਰਜੀ ਅਤੇ ਪੌਣ ਊਰਜਾ ਵਰਗੇ ਵਾਤਾਵਰਣਕ ਵਿਭਿੰਨ ਸਰੋਤਾਂ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਭਾਰਤ ਦੀ ਆਜ਼ਾਦੀ ਦੇ 75 ਸਾਲਾਂ ਅਤੇ ਸਥਾਈ ਅੰਤਰਰਾਸ਼ਟਰੀ ਸਬੰਧਾਂ ਦਾ ਪ੍ਰਤੀਕ ਹੈ।