ਭਾਰਤ ਦੀ ਅਗਲੀ ਸੀਰੀਜ਼ ਦਾ ਐਲਾਨ, ਟੀਮ ਇੰਡੀਆ ਖੇਡੇਗੀ 10 ਮੈਚ..
ਭਾਰਤੀ ਕ੍ਰਿਕਟ ਟੀਮ ਜਲਦੀ ਹੀ ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਮਿਲੀ ਹਾਰ ਨੂੰ ਭੁੱਲ ਕੇ ਅਗਲੇ ਮਿਸ਼ਨ ਦੀ ਤਿਆਰੀ ਕਰ ਲਵੇਗੀ। ਭਾਰਤ ਵਿਦੇਸ਼ੀ ਧਰਤੀ ‘ਤੇ ਬਹੁਤ ਖਤਰਨਾਕ ਮੰਨੀ ਜਾਣ ਵਾਲੀ ਵਿਸਫੋਟਕ ਟੀਮ ਨਾਲ ਮੁਕਾਬਲਾ ਕਰਨ ਜਾ ਰਿਹਾ ਹੈ। ਭਾਰਤੀ ਟੀਮ ਦੇ ਦੌਰੇ ਦਾ ਪੂਰਾ ਸ਼ਡਿਊਲ ਸਾਹਮਣੇ ਆ ਗਿਆ ਹੈ। ਭਾਰਤ ਇਸ ਦੌਰੇ ‘ਤੇ 2 ਟੈਸਟ, 3 ਵਨਡੇ ਅਤੇ 5 ਟੀ-20 ਮੈਚ ਖੇਡੇ ਜਾਣਗੇ।
ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਹਾਰ ਤੋਂ ਬਾਅਦ ਭਾਰਤੀ ਟੀਮ ਫਿਲਹਾਲ ਕੋਈ ਮੈਚ ਨਹੀਂ ਖੇਡਣ ਜਾ ਰਹੀ ਹੈ। ਲਗਭਗ ਇੱਕ ਮਹੀਨੇ ਤੱਕ ਆਰਾਮ ਕਰਨ ਤੋਂ ਬਾਅਦ ਟੀਮ ਨੂੰ ਆਪਣੇ ਅਗਲੇ ਮਿਸ਼ਨ ਲਈ ਰਵਾਨਾ ਹੋਣਾ ਹੈ। ਭਾਰਤੀ ਟੀਮ ਦੀ ਮੇਜ਼ਬਾਨੀ ਕਰ ਰਹੇ ਵੈਸਟਇੰਡੀਜ਼ ਕ੍ਰਿਕਟ ਬੋਰਡ ਨੇ ਪੂਰਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। 
ਭਾਰਤੀ ਟੀਮ ਨੇ ਅਗਲੇ ਮਹੀਨੇ ਦੀ 12 ਤਰੀਕ ਤੋਂ ਨਵੇਂ ਮਿਸ਼ਨ ਦੀ ਸ਼ੁਰੂਆਤ ਕਰਨੀ ਹੈ। ਟੀਮ ਵੈਸਟਇੰਡੀਜ਼ ਦੇ ਨਾਲ ਉਨ੍ਹਾਂ ਦੇ ਘਰ ‘ਤੇ ਪਹਿਲਾ ਟੈਸਟ ਮੈਚ ਖੇਡੇਗੀ। ਇਸ ਤੋਂ ਬਾਅਦ ਉਹ ਵਨਡੇ ‘ਚ ਖੇਡੇਗੀ ਅਤੇ ਫਿਰ ਟੀ-20 ਸੀਰੀਜ਼ ਨਾਲ ਦੌਰੇ ਦੀ ਸਮਾਪਤੀ ਕਰੇਗੀ।
ਵੈਸਟਇੰਡੀਜ਼ ਦੌਰੇ ਦੀ ਸ਼ੁਰੂਆਤ 12 ਜੁਲਾਈ ਨੂੰ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਨਾਲ ਹੋਵੇਗੀ। ਪਹਿਲਾ ਮੈਚ ਵਿੰਡਸਰ ਪਾਰਕ ਵਿੱਚ 12 ਤੋਂ 16 ਜੁਲਾਈ ਤੱਕ ਖੇਡਿਆ ਜਾਵੇਗਾ। ਦੂਜਾ ਟੈਸਟ ਮੈਚ 20 ਤੋਂ 24 ਜੁਲਾਈ ਤੱਕ ਕਵੀਂਸ ਪਾਰਕ ਓਵਲ ਵਿੱਚ ਖੇਡਿਆ ਜਾਣਾ ਹੈ।
MORE LATEST NEWS ON METRO TIMES